مەودا میدیا-

بە تۆمەتی هەڵكەندنی بیر بە نایاسایی، چوار كەس لەلایەن پۆلیسی دارستان و ژینگەی سلێمانییەوە دەستگیركران.

ئەمڕۆ پۆلیسی دارستان و ژینگەی پارێزگای سلێمانی رایگەیاند، چوار هاوڵاتی بە تۆمەتی هەڵکەندنی بیر دەستگیرکران و سێ ئامێری بیرهەڵكەندنیش لەو چالاكییەدا دەستیانبەسەردا گیرا.

ئاماژە بەوەشكراوە، مەفرەزەکانی بەشی پۆلیسی دارستانی شارباژێڕ و بنکەی پۆلیسی دارستانی سیتەك بە هاوبەشیی لە ئەنجامی دوو چالاکیی جیاوازدا لە سنووری گوندەکانی (شارستێنە و بناویلە) توانیان چوار هاوڵاتی دەستگیربکەن بە تۆمەتی لێدانی بیر بە شێوەیەکی نایاسایی،  دەستیشگیرا بەسەر سێ ئامێری بیرهەڵکەندن.

ئەوەش هاتووە، پەڕاوی لێکۆڵینەوە رێکخراوە و رادەستی دادوەر کراوە بۆ وەرگرتنی رێکاری یاسایی .

هەر ئەمڕۆ لە پێنجوێن و سیتەك، دوو هاوڵاتی لەلایەن پۆلیسی دارستان و ژینگە بە تۆمەتی بڕینەوەی داری سروشتی دەستگیركران.

ژ.ع