کوردستانی
كۆبوونه‌وه‌ی یه‌كێتیی و پارتی كۆتاییهات و ناوه‌ڕۆكی كۆبوونه‌وه‌كه ئاشكرابوو
مەودا میدیا - سلێمانی |
مه‌ودا میدیا -
كه‌مێك پێش ئێستا كۆبوونه‌وه‌ی لوتكه‌ی نێوان یه‌كێتیی نیشتمانیی كوردستان و پارتی دیموكراتی كوردستان له هاوینه‌هه‌واری پیرمام كۆتایی هات و راگه‌یه‌ندراوێكیان بڵاوكرده‌وه سه‌باره‌ت به ناوه‌رۆكی كۆبوونه‌وه‌كه.
به‌گوێره‌ی راگه‌یه‌ندراوه‌كه‌ی یه‌كێتیی و پارتی، له كۆبوونه‌وه‌كه‌دا باسی مووچه‌ی فه‌رمانبه‌ران و شایسته داراییه‌كان و كێشه ناوخۆییه‌كان و ئاڵۆزییه‌كانی ناوچه‌كه و هه‌ماهه‌نگی له‌گه‌ڵ عیراق و پاڵپشتیكردنی كاره‌كانی حكومه‌تی هه‌رێمی كوردستان كراوه.
پێشتر سه‌عدی ئه‌حمه‌د پیره، وته‌بێژی یه‌كێتیی نیشتمانیی كوردستان رایگه‌یاند، كۆبوونه‌وه‌كه له كاتێكی هه‌ستیاردا ئه‌نجامده‌درێت و چه‌ندین ته‌وه‌ری گرنگی تێدا باس ده‌كرێت له‌وانه‌ش مووچه‌ی هاوڵاتیان، چونكه بێ مووچه‌ی ده‌سه‌ڵاتی شه‌رمه‌زاركردووه كه خه‌ڵك ناتوانن جانتا بۆ منداڵه‌كانیان بكڕن.
دەقی راگه‌یاندراوی كۆبوونه‌وه‌ی هاوبه‌شی پارتی دیموكراتی كوردستان و یەکێتیى نیشتیمانیى کوردستان
كه‌مێك پێش ئێستا كۆبوونه‌وه‌ی لوتكه‌ی نێوان یه‌كێتیی نیشتمانیی كوردستان و پارتی دیموكراتی كوردستان له هاوینه‌هه‌واری پیرمام كۆتایی هات و راگه‌یه‌ندراوێكیان بڵاوكرده‌وه سه‌باره‌ت به ناوه‌رۆكی كۆبوونه‌وه‌كه.
به‌گوێره‌ی راگه‌یه‌ندراوه‌كه‌ی یه‌كێتیی و پارتی، له كۆبوونه‌وه‌كه‌دا باسی مووچه‌ی فه‌رمانبه‌ران و شایسته داراییه‌كان و كێشه ناوخۆییه‌كان و ئاڵۆزییه‌كانی ناوچه‌كه و هه‌ماهه‌نگی له‌گه‌ڵ عیراق و پاڵپشتیكردنی كاره‌كانی حكومه‌تی هه‌رێمی كوردستان كراوه.
پێشتر سه‌عدی ئه‌حمه‌د پیره، وته‌بێژی یه‌كێتیی نیشتمانیی كوردستان رایگه‌یاند، كۆبوونه‌وه‌كه له كاتێكی هه‌ستیاردا ئه‌نجامده‌درێت و چه‌ندین ته‌وه‌ری گرنگی تێدا باس ده‌كرێت له‌وانه‌ش مووچه‌ی هاوڵاتیان، چونكه بێ مووچه‌ی ده‌سه‌ڵاتی شه‌رمه‌زاركردووه كه خه‌ڵك ناتوانن جانتا بۆ منداڵه‌كانیان بكڕن.
دەقی راگه‌یاندراوی كۆبوونه‌وه‌ی هاوبه‌شی پارتی دیموكراتی كوردستان و یەکێتیى نیشتیمانیى کوردستان
ئه‌مڕۆ، سێشەممە 7ی 11ی 2023، له باره‌گای مه‌كته‌بی سیاسیی پارتی دیموكراتی كوردستان له پیرمام، كۆبوونه‌وه‌ی هاوبه‌شی نێوان یەکێتیى نیشتمانیى کوردستان و پارتی دیموكراتی كوردستان، ئه‌نجامدرا.
له‌كۆبوونه‌وه‌كه‌دا بارودۆخی هەرێمى کوردستان و عێراق بەتایبەتى و، ڕەوشى هەستیارى ناوچەکە بە گشتى گفتوگۆیان له باره‌وه كرا.
هه‌ردوولا جەختیان لەسەر هەماهەنگى و پێکەوەکارکردن و، پێویستى كۆكردنه‌وه‌ی هێز و تواناى سەرجەم هێز و لایەنە سیاسییەکان کردەوە بۆ پاراستنی قه‌واره‌ی هه‌رێمی كوردستان و، داڕشتنى ستراتیژیەتێکى هاوبەش کە گونجاوبێت لەگەڵ ڕەوتى ڕوداو و گۆڕانکارییەکانى قۆناغه‌كه و، ڕوبەڕووبوونەوەى ئاڵنگاریەکان.
هەردوولا هاوڕابوون لەسەر بەهێزکردنى خاڵە هاوبەشەکان و چارەسەرکردنى گیر و گرفتەکان بە ئاراستەى بەرژەوەندییە نەتەوەیى و نیشتیمانییەکانى کورستان.
له ته‌وه‌رێكی دیكه‌ی كۆبوونه‌وه‌كه‌دا، جه‌خت له پاڵپشتیكردنی هەنگاوەکانى حكومه‌تی هه‌رێمی كوردستان کرایەوە بۆ دابینكردنی شایسته داراییه‌كان و مووچەى مووچەخۆرانى هەرێمى کوردستان لە چوارچێوەى دەستوورى هەمیشەى عێراقدا.
لە کۆتاییدا، بڕیاردرا کۆبوونەوەکان بەردەوامیان هەبێت و بۆ ئەم مەبەستەش ئالیەتێکى گونجاو دیاریکرا. شایەنى ئاماژەیە کۆبوونەوەکە لە کەشێکى ئارام و ئیجابیدا بەڕێوەچوو.
یەکێتیى نیشتیمانیى کوردستان پارتی دیموكراتی كوردستان
7/ 11/ 2023
بیروڕا
