مه‌ودا میدیا -

سه‌رچاوه‌ ره‌سمییه‌كان له‌ هاتوچۆی پارێزگای دهۆك رایانگه‌یاند، ئێواره‌ی ئه‌مڕۆ سێشه‌ممه‌ رووداوێكی هاتوچۆ له‌ جۆری وه‌رگه‌ڕان له‌ سنووری پارێزگاكه‌ روویداوه‌ و به‌هۆیه‌وه‌ كه‌سێك گیانی له‌ده‌ستداوه‌.

به‌گوێره‌ی زانیارییه‌كان، رووداوه‌كه‌ ئێوارەی ئەمڕۆ لەسه‌ر رێگای نێوان قه‌زای زاخۆ و شاری دهۆک ناوه‌ندی پارێزگای دهۆك روویداوه‌ و به‌هۆیه‌وه‌ کەسێک گیانی لەدەستداوه‌ و سێ کەسی دیکەش برینداربوون. 

 

ئه‌وه‌شخراوه‌ته‌ڕوو، كه‌ ئۆتۆمبێلێكی جۆری بی ئێم ده‌بلیو كۆنترۆڵی له‌ده‌ستداوه‌ و وه‌رگه‌ڕاوه‌ و برینداره‌كانیش له‌ئێستادا له‌ژێر چاودێرییدان و باری ته‌ندروستییان جێگیره‌.