مەودا میدیا-

لە هەولێر، ئاسایش تۆمەتبارێك دەستگیربكات كە دزی لە حەوت ماڵ كردووە و بڕێكی زۆر پارە و كەلوپەلی بەهاداری بردووە.

لە راگەیەندراوەكەدا هاتووە "لەلایەن هێزەکانمان لە بەڕێوەبەرایەتیی ئاسایشی هەولێر، دوای وەرگرتنی رەزامەندیی داوەری لێکۆڵینەوەی ئاسایشی هەولێر، توانیمان تۆمەتبار (م ، ن، ر) دەستگیربكەین".

ئاماژە بەوەشكراوە، بە تۆمەتی ئەنجامدانی دزیکردن تۆمەتبارەكە دەستگیركراوە، کاری گەیاندن (دێلیڤەری) دەکات و بەوهۆیەوە چاودێریی چەند ماڵێکی کردووە.

بەپێی راگەیەندراوەكەی ئاسایش، تۆمەتبار پاش چاودێرییەكانی، لە کاتێکی گونجاودا تاوانی دزیکردنی لە حەوت ماڵ ئەنجامداوە و بڕێکی زۆر پارە و کەلوپەلی گرانبەهای دزیوە.

لەئێستادا پەڕاوی لێكۆڵینەوە بۆ تۆمەتباری راگیراو كراوەتەوە بەمەبەستی بەدواداچوون و لێپێچینەوە لە دۆسییەكەی.
ژ.ع