مەودا میدیا-

بەیانیی ئەمڕۆ لە رووداوێکی هاتوچۆدا لەسەر رێگەی سەرەکی سحێلا لە سنووری ئیدارەی زاخۆ منداڵێکی تەمەن هەشت ساڵان گیانی لەدەستدا.

بەرێوەبەرایەتیی هاتوچۆی ئیدارەی سەربەخۆی زاخۆ رایگەیاند "بەیانیی ئەمڕۆ پێنجشەممە 9ی تشرینی دووەمی 2023 کاتژمێر 10:45 خولەک لەسەر رێگەی سەرەکی سحێلا ئۆتۆمبێلێک لە جۆری تۆیۆتا پیکاب لەژێر کۆنتڕۆڵی شۆفێرەکەی دەرچوو و وەرگەڕا".

لە راگەیەندراوەکەی هاتوچۆی زاخۆ هاتووە "بەهۆی رووداوەکەوە منداڵێکی تەمەن هەشت ساڵان گیانی لەدەستداوە و زیانێکی زۆری مادیش بەر ئۆتۆمبێلەکە کەوتووە".

س.ر