مەودا میدیا-

دژە تیرۆری کوردستان رایدەگەیەنێت بە دوو درۆنی بۆمبڕێژکراو هێرش کرایە سەر بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی هەریر.

دژەتیرۆری کوردستان رایگەیاند "شەوی رابردوو لە کاتژمێر 23:30 و کاتژمێر 12:40 لەڕێگەی دوو درۆنی بۆمبڕێژکراوەوە هێرش کرایە سەر بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی هەریر لە پارێزگای هەولێر".

هەر بەپێی ئەو زانیارییانەی دژەتیرۆری کوردستان بڵاویکردووەتەوە، هێرشەکە هیچ زیانێکی گیانی و مادی لێنەکەوتووەتەوە.

س،ر