مه‌ودا میدیا - 

كه‌مێك پێش ئێستا بەڕێوەبەرایەتی ئاسایشی هەولێر رایگه‌یاند و به‌ڤیدیۆ بڵاویكرده‌وه‌، ئه‌و ته‌قه‌كه‌ره‌ی ده‌ستگیركردووه‌ كه‌ ئێواره‌ی ئه‌مرۆ ته‌قه‌ی له‌ نه‌خۆشخانه‌ی رۆژئاوای هه‌ولێر كرد.

به‌گوێره‌ی راگه‌یه‌ندراوی ئاسایشی هه‌ولێر، ته‌قه‌كه‌ره‌كه‌ ته‌قه‌ی له‌ کارمەندێکی نەخۆشخانەی فریاکەوتنی رۆژئاوای هەولێر كردبوو و لەلایەن هێزەکان لە (بەڕێوەبەرایەتی ئاسایشی هەولێر) دوای وەرگرتنی رەزامەندی داوەری لێکۆڵینەوەی ئاسایشی هەولێر،توانییان تۆمەتبار (م ، ش ،آ) دەستگیر بکەن. 

ئاسایشی هه‌ولێر رووتیكردووه‌ته‌وه‌، ته‌قه‌كه‌ره‌كه‌ هێرشی کردبووە سەر کارمەندێکی نەخۆشخانەی فریاکەوتنی رۆژئاوای هەولێر و کێشە و ئاژاوەی لەناو نەخۆشخانەکە دروستکردبوو دواتر بە چەکی ناتۆ چەند فیشەکێکی تەقاندبوو.