مه‌ودا میدیا - 

به‌یانی ئه‌مڕۆ شه‌ممه‌ له‌سه‌ر رێگای نێوان ده‌ربه‌ندیخان _ سلێمانی تانكه‌رێكی تانكه‌رێكی نه‌وت گڕیگرت كه‌ به‌ گوێره‌ی زانیارییه‌كان، نه‌وتی كێڵگه‌ی حه‌سیره‌ی له‌ گه‌رمیانه‌وه‌ به‌ره‌و  سلێمانی گواستووه‌ته‌وه‌. 

به‌گوێره‌ی زانیارییه‌كان، تانكه‌ره‌كه‌ نزیك له‌ تونێلی ده‌ربه‌ندیخان گڕیگرتووه‌ و ده‌ستبه‌جێ تیمه‌كانی به‌رگریی شارستانیی ده‌ربه‌ندیخان گه‌یشتوونه‌ته‌ شوێنی رووداوه‌كه‌ و ئاگره‌كه‌یان كۆنترۆڵكردووه‌ و شۆفێری تانكه‌ره‌كه‌ش هیچ زیانێكی گیانی به‌رنه‌كه‌وتووه‌. 

باس له‌وه‌ده‌كرێت كه‌ گڕگرتنی ئه‌و تانكه‌ره‌ به‌هۆی دزەكردنی نه‌وته‌وه‌ بووه‌ و بووه‌ به‌هۆی كه‌وتنه‌وه‌ی ئاگر و زیانی مادیی به‌رچاو به‌ تانكه‌ره‌كه‌.