مه‌ودا میدیا - 

به‌ڕێوه‌به‌رایه‌تی‌ كه‌شناسیی‌ سه‌ر به‌ وه‌زاره‌تی‌ گواستنه‌وه‌ی‌ هه‌رێمی كوردستان ره‌وشی كه‌شوهه‌وای ئه‌مڕۆ شه‌ممه‌ و سبه‌ینێ‌  یه‌كشه‌ه‌مه‌ی بڵاوكرده‌وه‌. 

به‌گوێره‌ی راگه‌یه‌ندراوی كه‌شناسیی هه‌رێم، ئه‌مڕۆ شه‌ممه‌‌ 11ی‌ تشرینی‌ دووه‌می‌ 2023 ئاسمان لە نێوان نیمچە هەور و هەوری تەواو دەبێت و پله‌كانی‌ گه‌رماش به‌گشتی نزیك ده‌بێته‌وه‌ به‌ به‌راورد به‌ تۆماره‌كانی دوێنێ. خێرایی با  5 – 15 كیلۆمه‌تر ده‌بێت له‌ كاتژمێرێكدا و ئاراسته‌ی‌ با باشووری خۆرئاوا و مه‌ودای بینین 8 - 10 كیلۆمه‌تر ده‌بێت.

له‌ راگه‌یه‌ندراوی كه‌شناسیی هه‌رێمدا روونكراوه‌ته‌وه‌ كه‌ سبه‌ینێ‌ یه‌كشه‌ممه‌ 12- 11- 2023 ئاسمان لە نێوان نیمچە هەور و هەوری تەواو دەبێت و پله‌كانی‌ گه‌رما نزیك ده‌بێته‌وه‌ له‌ تۆماركراوه‌كانی ئه‌مڕۆ و خێرایی با  5 – 15 كیلۆمه‌تر ده‌بێت. ئاراسته‌ی با باشووری خۆرئاوا و مه‌ودای بینین 8 - 10 كیلۆمه‌تر ده‌بێت.

 به‌رزترین پله‌كانی گه‌رمای پێشبینیكراو به‌ پله‌ی سیلیزی‌:

هەولێر : 26

سلێمانی : 24

دهۆک : 26

کەرکوک : 28

هەڵەبجە : 26

زاخۆ : 27

سۆران : 24

حاجی ئۆمەران : 18

گەرمیان : 30