مه‌ودا میدیا - 

هاوكات له‌گه‌ڵ چاوه‌ڕوانییه‌كانی جوتیاران و خستنه‌ڕووی پێشبینیی جۆراوجۆری بارانبارینی ئه‌مساڵ، شاره‌زایه‌كی بواری كه‌شناسیی  پێشبینیی ده‌كات بارانی باش له‌ رۆژانی داهاتوودا ببارێت.

سیروان ساڵح عه‌لی، شاره‌زای كه‌شناسیی و جوگرافیا بۆ مه‌ودا میدیا وتی " لە نێوان رۆژانی 15 تا 25 ی ئەم مانگە، ناوبەناو ئەگەری بارانبارینی باش هەیە لە ئەنجامی کاریگەریی دوو شەپۆلی بارانبارین لە تەواوی ناوچەکانی هەرێمی کوردستان و گەرمیاندا. 

سیروان ساڵح عه‌لی یه‌كێكه‌ له‌و شاره‌زایانه‌ی بواری كه‌شناسیی و بومه‌له‌رزه‌زانیی كه‌ له‌ناو رای گشتییدا پێشبینییه‌كانی له‌به‌رچاوده‌گیرێت، رۆژی هه‌ینی رابردووش پێشبینیی ئه‌و بومه‌له‌رزه‌یه‌ی كردبوو كه‌ له‌ خۆرئاوای ئێران روویدا.