مەودا میدیا-

بڕیارە سبەینێ وەزیری نەوتی عیراق سەردانی هەولێر بکات و لەگەڵ بەرپرسانی هەرێمی کوردستان کۆبێتەوە و باسی پرسی نەوت و گاز بکەن.

بەپێی زانیارییەکانی مەودا میدیا، سبەینێ یەکشەممە 12ی تشرینی دووەمی 2023 حەیان عەبدولغەنی، وەزیری نەوتی عیراق بە سەرۆکایەتی شاندێک کە پێکهاتوون لە بەرپرسانی وەزارەتەکەیی‌ و عەممار عەنبەکی، سەرۆکی کۆمپانیای سۆمۆ دەگاتە هەولێر.

بڕیارە لە سەردانەکەیدا وەزیری نەوتی عیراق لەگەڵ هەریەک لە مەسرور بارزانی، سەرۆکى حكومه‌تى هه‌رێمی کوردستان و وەزارەتی سامانە سروشتییەکان کۆبێتەوە و باسی کێشەکانی نەوت و گاز بکەن لەنێوان هەردوو حکومەتدا.

س،ر