مەودا میدیا-

بەڕێوەبەرایەتیی نەوت و كانزاكانی سلێمانی رایدەگەیەنێت، سبەینێ‌ لە سێ‌ ناوچەی سەر بە پارێزگای سلێمانی نەوتی سپی دابەشدەكرێت.

لە راگەیەندراوێکدا بەڕێوەبەرایەتیی نەوت و كانزاكانی سلێمانی رایگەیاند "پرۆسەی دابەشکردنی نەوت بەردەوامە و سبەی یەکشەممە 12ی تشرینی دووەمی 2023 نەوت لە سنووری قایمقامییەتی قەزای چەمچەماڵ و دەربەندیخان و بازیان دابەشدەکرێت".

ماوەی زیاتر لە مانگێكە دابەشكردنی نەوتی سپی بەسەر هاوڵاتییانی شاری سلێمانی دەستیپێکردووە و پرۆسەکە بەردەوامە و هەر خێزانێک بڕی 200 لیتری بە نرخی  103 هەزار و 500 دینار لەناوشار و بە 104 هەزار دینار لە دەرەوەی شار پێدەدرێت.

س،ر