مەودا میدیا- سازگار ئەحمەد

بەهۆی تەقینەوەی پاشماوەی جەنگەوە لە شاخی زەواڵی قەزای دەربەندیخانی سەر بە پارێزگای سلێمانی سێ کەس برینداربوون.

سلێمان محه‌مه‌د، قایمقامی ده‌ربه‌ندیخان بە مەودا میدیای راگه‌یاند "له‌ شاخی زەواڵی سنووری ده‌ربه‌ندیخان سێ كه‌س دەستکاری گولـلە هاوەنیان کردووە کە پاشماوەی جەنگ بووە پیاندا تەقیوەتەوە و برینداربوون".

ئاماژەی بەوەشکرد "برینی یەکێک لە بریندارەکان سەختە و رەوانەی سلێمانی کراوە و دووانەکەی دیکەش دۆخی تەندروستییان جێگیرە، ئەو سێ کەسەی برینداربوون ناویان (ئەنوەر باقی کاکەلاو لەدایکبووی 1988، ئەکبەر ئیبراهیم لەدایکبووی 1982، تەها حەمە کەریم لەدایکبووی 1970)یە".

س،ر