مەودا میدیا-

 بەڕێوەبەرايەتی نەهێشتنی مادە هۆشبەرەکان دەستگیردنی پێنج بازرگانی مادەی هۆشبەری لە شاری هەولێر راگەیاند و دەستیشیان بەسەر بڕێک مادەی هۆشبەردا گرت.

ئه‌مڕۆ دووشه‌ممه‌ 14ی تشرینی دووەمی 2023 بەڕێوەبەرايەتیی نەهێشتنی مادە هۆشبەرەکان رایگەیاند "رۆژی 12/11/2023 له‌ چالاكییه‌كی سەرکەوتوودا، دوای وەرگرتنی بڕیاری دادوەری لێکۆڵینەوەی ئاساییش، توانرا پێنج تۆمەتباری مەترسیدار دەستگیر بکرێ کە کاری کڕین و فۆرۆشتنیان بە ماده‌ی هۆشبەره‌وه‌ كرد".

ئاماژە بەوەشکراوە "لەم چالاکییەدا بڕی یەک کیلۆگرام، مادەی هۆشبەر لە جۆری کریستاڵ و جامایکا دەستیان بەسەردا گیراوە".

س.ر