مه‌ودا میدیا -

كه‌مێك پێش ئێستا مۆلیده‌یه‌ك له‌ ناحیه‌ی شۆڕش سه‌ر به‌ قه‌زای چه‌مچه‌ماڵ له‌ خۆرئاوای شاری سلێمانی، ته‌قییه‌وه‌ و به‌و هۆیه‌شه‌وه‌ كه‌سێك گیانی له‌ده‌ستدا.

سه‌رچاوه‌یه‌ك له‌ به‌رگریی شارستانیی ناحیه‌ی شۆرش سه‌ر به‌ قه‌زای چه‌مچه‌ماڵ بۆ مه‌ودا میدیای روونكرده‌وه‌، تانكی گازی مۆلیده‌كه‌ ته‌قیوه‌ته‌وه‌ و كه‌سێك به‌ناوی (عومه‌ر عاسی) له‌دایكبووی 1993 كه‌ له‌و مۆلیده‌یه‌دا كاری كردووه‌ گیانیله‌ده‌ستداوه‌.

ئاماژه‌ی به‌وه‌شكرد، یه‌كه‌م حاڵه‌تی ته‌قینه‌وه‌ی مۆلیده‌یه‌ له‌ناحیه‌ی شۆرش، له‌ئێستادا ئاگره‌كه‌ كۆنترۆڵكراوه‌ و سه‌رقاڵی لێكۆڵینه‌وه‌ن بۆ زانینی هۆكاری رووداوه‌كه‌.