مه‌ودا میدیا - 

كه‌مێك پێش ئێستا هێمن قه‌ره‌داغی، نوسه‌ر و شاعیر و ره‌خنه‌گری كورد له‌ شاری سلێمانی، له‌كاتی گه‌ڕانه‌وه‌یدا له‌سه‌ر رێگه‌ی هه‌ولێر به‌ره‌و سلێمانی، به‌ رووداوی هاتوچۆ گیانیله‌ده‌ستدا.

هێمن قه‌ره‌داغی، یه‌كێك بوو له‌و نوسه‌رانه‌ی شاری سلێمانی كه‌ ره‌خنه‌ی له‌ كه‌لتوور و فه‌رهه‌نگیی كوردیی ده‌گریت و له‌بواری ئه‌ده‌بیاتیشدا نوسین و ره‌خنه‌ی هه‌یه‌ و له‌ئاستێكی فكرییدا روانگه‌ و بابه‌ته‌كانی ده‌نوسی و دەرچووی کۆلێژی هونەر  بەشی سینەمای زانکۆی سلێمانی بوو، چەندین پەرتوکی چاپکردووە کە دیارترینیان 'یەک هەناسە، هەریەکەمان لە باخێکدا یاقوتەکانمان لێ کەوت و مەعریفە و ئیمان.

هێمن قه‌ره‌داغی لەپاڵ پەرتوکەکانیشیدا سیناریۆی بۆ چەندین شانۆگەریی و کورتەفیلم نوسیووە و لە کۆتا کاریدا، نوسین و دەرهێنانی بۆ كورتە فیلمی 'ماسكی چوارەم' کرد و پێش مردنی خوێندكاری ماسته‌ر بوو له‌ شاری هه‌ولێر ده‌یخوێند.