مه‌ودا میدیا -

ئارام محه‌مه‌د، خوێندنى باڵا و توێژینەوەى زانستىی حكومه‌تی هه‌رێمی كوردستان و دیندار زێبارى، رێکخەرى راسپاردە نێودەوڵەتییەکان لە حکومەتى هەرێمى کوردستان  پێكه‌وه‌ پلانێك بۆ رووبه‌ڕووی ماده‌ی هۆشبه‌ر داده‌نێن.

به‌گوێره‌ی راگه‌یه‌ندراوی وه‌زاره‌تی خوێندنی باڵا و توێژینه‌وه‌ی زانستیی، خوێندنی باڵا و رێكخه‌ری راسپارده‌ نێوده‌وڵه‌تییه‌كان رێككه‌وتوون لەسەر دانانى پلانێکى تۆکمە و گشتگیر بۆ هۆشیارکردنەوەى زیاترى تاکەکانى کۆمەڵگە لەبارەى مەترسییەکانى مادەى هۆشبەر. 

له‌ راگه‌یه‌ندراوه‌كه‌ی وه‌زاره‌تی خوێندنی باڵا و توێژینه‌وه‌ی زانستیی حكومه‌تی هه‌رێمی كوردستاندا ئاماژه‌ به‌وه‌ش كراوه‌ كه‌ هه‌ردوولا ته‌ئكیدیان له‌سه‌ر هۆشیارکردنەوەى خوێندکاران و قوتابیان لە ناوەندەکانى خوێندند كردووه‌ته‌وه‌. 

ئه‌وه‌شخراوه‌ته‌ڕوو، كه‌ هه‌ردوولا بڕیاریاندا بە میکانیزمێکى نوێ و به‌هەماهەنگى بەردەوام بن له‌ کۆبونەوەكانیان بۆ دانانی پلانى هەرێمیى لەبارەى ئازادییەکان و بەدیجیتاڵکردنى پرۆسەى پلانى هەرێمیى.