مه‌ودا میدیا - 

 زانكۆی گه‌رمیان ئه‌مڕۆ دووشه‌ممه‌، نۆ پۆستی زانستیی و کارگێڕیی زانكۆكه‌ كه‌ بریتین لە پۆستەکانی (یاریدەدەری راگری کۆلێژ، سەرۆک بەش و بەڕێوەبەر)، سپاردی به‌ ژنان، سەرۆکی زانکۆکەش دەڵێت: بەردەوام دەبین لە پێدانی پۆستە زانستیی و کارگێڕییەکان به‌ ژنان لەسەر بنەمای توانای خۆیان.

د.فەرهاد قادر، سەرۆکی زانکۆی گەرمیان رایگه‌یاند، نۆ پۆستی زانستیی و کارگێڕیی زانکۆی گەرمیانیان بە ژنان سپارد، کە بریتین لە (دیاریکردنی ژنێک بە یاریدەدەری راگری کۆلێژ، دانانی ٥ ژن بۆ پۆستی سەرۆک بەش و سێ ژنیش پۆستی بەڕێوەبەریان پێ سپێردراوە). 

سه‌رۆكی زانكۆی گه‌رمیان ته‌ئكید ده‌كاته‌وه‌ له‌وه‌ی كه‌ بەردەوام دەبن لە پێدانی پۆستە زانستیی و ئیداریەیکان لەسەر بنەمای توانای ژنان خۆیان.