مەودا میدیا-

بە‌ڕێوەبەرایەتیی گشتیی كەشناسیی و بوومەلەرزەزانیی هەرێمی كوردستان پێشبینییەكانی كەشوهەوای ئەمڕۆ و سبەینێی بڵاوكردەوە و بەپێی زانیارییەكان باران دەستپێدەكات و ئەگەری بەفربارینیش هەیە.

بەپێی راگەیەندراوی بە‌ڕێوەبەرایەتیی گشتیی كەشناسی و بوومەلەرزەزانی هەرێمی كوردستان تایبەت بە كەشوهەوای ئەمڕۆ سێشەممە 14ی تشرینی دووەمی 2023 و سبەی چوارشەممە، بە شێوەیەكی گشتی لە 48 كاتژمێری داهاتوودا ئاسمان نیمچەهەور دەبێت و پلەكانی گەرما نزمبوونەوەیەكی بەرچاو بەخۆوە دەبینن.

ئاماژە بەوەشكراوە، پێشبینییەكانی ئەمڕۆ نیمچە هەور دەبێت بە گشتى، لەگەل ئەگەرى پروشکە باران لەسەر هەندێ ناوچەى شاخاوى هەیە لەدواى نیوەرۆ و پلەكانی گەرما هاوشێوەی دوێنێ دەبن.

سەبارەت بە كەشی سبەی چوارشەممە كەشناسی دەڵێت "لەئەنجامى زیادبوونى کاریگەریی نزمەپاڵەپەستۆى تورکیا لەسەر بەشەکانى باکوورى هەرێم و کاریگەریى نزمەپاڵەپەستۆى دەریای سوور لەسەر بەشەکانى باشوورى هەرێم و ناوەرستى عیراق ، ئاسمانى هەرێم بە دێژایی کاتەکانى هەورى دەبێت لەگەڵ باران بارین لەسەر ناوچە جیاجیاکانى هەرێم".

دەشڵێت، ئاستى دابارین لەسەر بەشەکانى باشوورى هەرێم بەتایبەت سنوورى پارێزگاى هەڵەبجە و ئیدارەى گەرمیان و سنوورى پارێزگاى کەرکوک زیاترە، لەگەڵ زیادبوونى خێرایی با و نزمبوونەوەى پلەکانى گەرما بە رێژەى (6- 8) پلەى سیلیزى ،لەسەر لوتکەى ناوچە شاخاوییە سنورییە بەرزەکانیش ئەگەرى بەفر بارین هەیە .
  
هاوكات بەرزترین پلەکانی گەرمای پێشبینیکراو بە سیلیزی بەمشێوەیەیە: 

هەولێر     :  20 پلەى سیلیزى
سلێمانی    : 18 پلەى سیلیزى
دهۆک      : 19  پلەى سیلیزى
کەرکوک   : 21 پلەى سیلیزى
هەڵەبجە   : 18 پلەى سیلیزى
 زاخۆ    :   21 پلەى سیلیزى
گەرمیان  :  22  پلەى سیلیزى
حاج ئۆمەران : 9 پلەى سیلیزى
سۆران  : 16 پلەى سیلیزى
                                            

ژ.ع