مەودا میدیا-

سەرۆكایەتیی شارەوانیی هەولێر دانیشتووانی شارەكە ئاگاداردەكاتەوە ژمارەیەك تیم و لیژنە دەخرێنە ئامادەباشییەوە، شارەكە كراوەتە چەند ناوچەیەك و بۆ هەر ناوچەیەكیش ژمارەی پەیوەندیی دیاریكراوە هەتا هاوڵاتییان لەو رێگەیەوە پەیوەندی بە تیمەكانی فریاگوزاری بكەن.

لە راگەیاندنی ئەمڕۆ 14ی تشرینی دووەمی سەرۆکایەتیی شارەوانیی هەولێر هاتووە، ئاگاداری هاوڵاتییان و دانیشتوانی شاری هەولێر دەکاتەوە بەگوێرەی گۆڕانکارییەکانی کەشوهەوا و هاتنی شەپۆلێکی چڕی باران بارین کە بەپێی سەرچاوەکانی هەواڵ ماوەی دوو تاوەکو سێ رۆژ دەخایەنێت، وەک ئامادەکاریەکان بۆ رووبەڕووبوونەوە و کەمکردنەوەی مەترسییەکانی لافاو و کۆبوونەوەی ئاو لە نێو گەڕەک و شەقام و شوێنە گشتییەکاندا لەلایەن سەرجەم بەڕێوەبەرایەتییەکانی سنووری سەرۆکایەتیی شارەوانی هەولێر چەندین لیژنە و تیمی چالاک و خێرا دەخرێنە ئامادەباشیەوە.

ئاماژە بەوەشكراوە، بۆ هەر ئەگەرێکی نەخوازراو ئەو تیمانە لە ئامادەباشیدا دەبن و دروست بوونی لافاو لە شاری هەولێر، هاوکات سەرۆکایەتیی شارەوانی هەولێر بەپێی سنوورەكان  چەندین ژمارەی تەلەفۆنی هێڵی گەرم دەخاتە کارەوە بەمەبەستی هاوکاریی و پاڵپشتیی کردن لە هاوڵاتیان و پێشگرتن لە مەترسییەکانی لافاو.

داواش لە هاونیشتیمانییان دەکات لە هەر ئەگەرێکی کۆبوونەوەی ئاودا دەتوانن بەزووترین کات لە رێگەی ئەم ژمارە تەلەفۆنانە و بەپێی زۆنی دیاریكراو پەیوەندی بكەن و داوای هاوكاری بكەن؛

بەرپرسی زۆنی شارەوانی یەک
مسعود فارس
07515032627
بەرپرسی زۆنی شارەوانی دوو
محسن سلێمان
07503291365
بەرپرسی زۆنی شارەوانی سێ
کەمەند سفین
07504486085
بەرپرسی زۆنی شارەوانی چوار
بێستون ابراهیم
07514016683
بەرپرسی زۆنی شارەوانی پێنج
بۆتان ابراهیم
07504368789
بەرپرسی زۆنی شارەوانی شەش
شاهین دلشاد
07514540650

ئەوە لەكاتێكدایە، لەماوەی رابردوودا و تەنانەت ساڵانی رابردووش، لە كاتی باران باریندا لە هەولێر و دەوروبەری، بەهۆی تۆپۆگرافیای شارەكە و نەبوونی سیستمی ئاوەڕۆ، لافاو دروستدەبێت و كارەساتی دڵتەزێنی لێكەوتووەتەوە.

ژ.ع