مه‌ودا میدیا - 

كه‌مێك پێش ئێستا جارێكی تر له‌ رێگه‌ی درۆنه‌وه‌ هێرشكرایه‌وه‌ سه‌ر فرۆكه‌خانه‌ی هه‌ریر سه‌ر به‌ پارێزگای هه‌ولێر كه‌ ماوه‌ی مانگێكه‌ چۆڵكراوه‌.

به‌گوێره‌ی زانیارییه‌كان، له‌ هێرشی درۆنیی ئه‌م به‌یانییه‌دا بۆ سه‌ر فرۆكه‌خانه‌ی هه‌ریر، ئاگركه‌وتووه‌ته‌وه‌ و تا ئێستا ورده‌كاریی زیانه‌كانی بۆردوومانه‌كه‌ به‌ وردیی نه‌خراوه‌ته‌ڕوو.

بەگوێرەی زانیارییەکانی دژەتیرۆری کوردستان، ئەمڕۆ هەینی کاتژمێر 10:25، لە ڕێگەی درۆنێکی بۆمبڕێژکراوەوە هێرشکراوه‌ته‌ سەر فڕۆکەخانەی هەریر لە پارێزگای هەولێر، کە پێشتر فڕۆکەخانەکە وەک بنکەیەکی سەربازیی هاوپەیمانیی نێودەوڵەتیی دژی داعش بەکار دەهات.

له‌ رۆژانی رابردووشدا چه‌ند جارێك هێرشی درۆنیی كرایه‌ هه‌مان فرۆكه‌خانه‌ی هه‌ریر، كه‌ به‌گوێره‌ی سه‌رچاوه‌ ئه‌منییه‌كانی هه‌رێمی كوردستان، ئه‌و فرۆكه‌خانه‌یه‌ له‌ 20-10-2023ه‌وه‌ چۆڵكراوه‌ و ته‌نها كۆگاكانی ماون، كه‌ له‌رێگه‌ی درۆنی بۆمبڕێژكراوه‌وه‌ هێرشی ده‌كرێته‌ سه‌ر و زیانی پێده‌گه‌یه‌نرێت.

فڕۆکەخانەی هەریر لە پارێزگای هەولێر کە پێشتر وەک بنکەیەکی سەربازیی هاوپەیمانیی نێودەوڵەتیی دژی داعش بەکار دەهات له‌ ئێستادا چۆڵكراوه‌ و له‌ماوه‌ی 10 رۆژی رابردوودا زیاتر له‌ جارێك له‌رێگه‌ی درۆنه‌وه‌ بۆردوومانكراوه‌.