مه‌ودا میدیا- 

سه‌رچاوه‌كانی هه‌واڵی نزیك له‌ پارتی كرێكارانی كوردستان بڵاویانكرده‌وه‌، نزیکەی سێ ساڵە هیچ زانیارییەک لەسەر عەبدوڵڵا ئۆجه‌لان دەست نەکەوتووە و وه‌ڵامی داواكارییه‌كانی بینینی ئۆجه‌لان نادرێته‌وه‌.

 محەمەد ئۆجه‌لان، برای عەبدوڵڵا ئۆجه‌لان داواکاریی پێشکەش بە سەرۆکایەتی داواکاری گشتیی گشتیی بورسا و بەڕێوبەرایەتیی زیندانی ئیمرالی کرد بۆ ئەوەی بتوانن لەگەل ئۆجه‌لان چاوپێکەوتن بکەن، به‌ڵام ماوه‌ی دوو ساڵه‌ وه‌ڵامی داواكارییه‌كان نادرێته‌وه‌. 

لە ٢٥ی ئازاری ٢٠٢١ەوە تا ئێستا هیچ زانیارییەک لە باره‌ی ئۆجه‌لانه‌وه‌ دەست نەکەوتووە و ماوەی دوو ساڵە پارێزەران هەموو هەفتەیەک داواکاری پێشکەش دەکەن بۆ بینینی ئۆجه‌لان، بەڵام داواکارییەکانیان بێ وه‌ڵام دەمێنێتەوە.