مه‌ودا میدیا - 

سه‌رچاوه‌ ئه‌منییه‌كانی پارێزگای دهۆك ئێواره‌ی ئه‌مڕۆ له‌سه‌ر تۆڕه‌ كۆمه‌ڵایه‌تییه‌كان بڵاویانكرده‌وه‌، ته‌رمی كه‌سێكی توركیی له‌ناو ئوتێلێكی بازاڕی زاخۆ دۆزرایه‌وه‌. 

سه‌رچاوه‌ ئه‌منییه‌كانی پارێزگای دهۆك روونیانكرده‌وه‌، ئه‌مڕۆ شه‌ممه‌ ته‌رمی كه‌سێكی به‌ره‌چه‌ڵه‌ك توركیی به‌ناوی (أ.أ) له‌ناو یه‌كێك له‌ ئوتێله‌كانی بازاڕی قه‌زای زاخۆ سه‌ر به‌ پارێزگای دهۆك دۆزرایه‌وه‌ و ده‌ستبه‌جێ پۆلیسی به‌شی نه‌هێشتنی تاوان و تیمه‌كانی تایبه‌ت به‌ به‌ڵگه‌ی تاوان و پۆلیسی فریاكه‌وتن ئاماده‌ی شوێنی رووداوه‌كه‌ بوون. 

ئاماژه‌ به‌وه‌شكراوه‌ كه‌ لێكۆڵینه‌وه‌ له‌باره‌ی رووداوه‌كه‌وه‌ ده‌ستیپێكردووه‌ و هیچ شوێنه‌وارێكی تاوانیش له‌سه‌ر جه‌سته‌ی كه‌سی مردوو نه‌بووه‌ و ته‌رمه‌كه‌ی ره‌وانه‌ی پزیشكی دادیی دهۆك كرا.