مەودا میدیا- سازگار ئەحمەد

بەڕێوەبەرایەتیی هاتوچۆی هەولێر شۆفێرانی ماتۆڕسکیل ناچاردەکات بە بەستنی کڵاوی سەرپارێزی لەپێناو پاراستنیان لەکاتی رووداوی هاتوچۆدا.

فازڵ حاجی، وتەبێژی هاتوچۆی هەولێر بە مەودا میدیای راگەیاند "بە دروشمی (باژمارەی قوربانیانی رووداوەکانی هاتوچۆ کەم بکەینەوە) بڕیاردرا کە لە ئەمڕۆ یەکشەممەوە تاوەکو رۆژی 2023/11/25 سەرجەم شۆفێرانی ماتۆڕسکیل بە هەموو جۆرەکانیەیوە ناچاربکرێن بە بەستنی کڵاوی سەرپارێزی بۆئەوەی لەکاتی پێکدادان و وەرگەڕانەکان پارێزراوبن".

ئاماژەی بەوەشکرد "هەر ماتۆڕسکیلێک لەدوای ئەو بەروارە لەسەر شەقامەکان ببینرێت بێکڵاوی سەرپارێز، راستەوخۆ لەلایەن مەفرەزەکانی هاتوچۆ دەستی بەسەردادەگیرێت و لێپێچینەوەی لەگەڵ دەکرێت".

س.ر