مه‌ودا میدیا - 

حكومه‌تی هه‌رێمی كوردستان به‌بۆنه‌ی ( 25ی  نۆڤه‌مبه‌ر) رۆژى جيهانيى به‌ره‌نگاربوونه‌وه‌ى توندوتيژى دژى ئافره‌تاندا په‌یامێكی پشتیوانیی له‌ مافی ئافره‌تان بڵاوكرده‌وه‌. 

به‌گوێره‌ی راگه‌یه‌ندراوێكی فه‌رمانگه‌ی میدیا و زانیاریی به‌سه‌ر حكومه‌تی هه‌رێمی كوردستان، مەسرور بارزانی، سه‌رۆكی حكومه‌تی هه‌رێمی كوردستان لە ڕۆژى جيهانیی به‌ره‌نگاربوونه‌وه‌ى تووندوتيژى دژى ئافره‌تان ته‌ئكیدی له‌وه‌كردووه‌ته‌وه‌، لە کارکردن بۆ بنبڕکردن و سنووردانان بۆ دیاردەی تووندوتیژی دژی ئافرەتان، بەردەوام ده‌بن.

هه‌ر ئه‌مڕۆ نێچیرڤان بارزانی، سەرۆکی هەرێمی کوردستان رایگه‌یاند، هه‌موو پشتگيرييه‌كی كه‌مپه‌ينى 16 رۆژه‌ى كار و چالاكييه‌كانى بەرەنگاربوونەوەی توندوتیژی دژی ژنان دووپات ده‌كه‌نه‌وه‌.