مەودا میدیا-

شەوی 25ی تشرینی دووەمی 2023  عائیشە عەبدولواحید دایکی نەرمین عوسمان، ئەندامی پێشووی ئەنجومەنی سەرکردایەتیی یەکێتیی نیشتمانیی کوردستان لە وڵاتی هۆڵەندا کۆچی دواییکرد.

بەبۆنەی کۆچی دوایی عائیشە عەبدولواحید، سەرۆکی یەکێتیی نیشتمانیی کوردستان و بەرپرسانی یەکێتی پرسەنامەیان ئاراستەی نەرمین عوسمان کرد و هاوخەمی خۆیان دەربڕی.

دەقی پرسەنامەکان:

- دەقی پرسەنامەی بافڵ جەلال تاڵەبانی، سەرۆکی یەکێتیی نیشتمانیی کوردستان:

خوشکی بەڕێزمان خاتوو نەرمین عوسمان 
‎برای بەڕێزم کاک ھاوڕێ دارۆ شێخ نوری 

‎بەداخێکی زۆرەوە ھەواڵی کۆچی دوایی خاتوو (عائیشە عەبدولواحید ) دایکی خاتوو نەرمین عوسمان و خوشکی شەھیدی سەرکردە جەعفەر عەبدولواحیدمان پێگەیشت.

‎بۆ ئەم خەمە گەورەیە پرسە و ھاوخەمیی قووڵی خۆمان ئاڕاستەی ئێوە و خانەوادە سەربەرز و تێکۆشەرەکەتان دەکەین کە نموونەی باڵای خەبات و تێکۆشانن لەپێناو کوردستان.

‎لەخوای گەورە داواکارم کۆچکردوو بە بەھەشتی بەرین شادبکات و سەبووری بەھەموولایەک ببەخشێت.

- دەقی پرسەنامەی کۆسرەت رەسوڵ عەلی:

خوشکی بەڕێزم خاتوو نەرمین عوسمان
خانەوادەو کەسوکاری خاتوو عائیشە عەبدولواحید

بەداخێکی زۆرەوە هەواڵی کۆچی دوایی خاتوو (عائیشە عەبدولواحید) دایکی بەڕێزتان و خوشکی شەهیدی سەرکردە جەعفەر عەبدولواحیدم بیست، دڵگران و خەمباری کردم، هاوبەشی خەمتانم.

خاتوو عائیشە لە خانەوادەیەکی قارەمان و تێکۆشەر پەروەردە بوو، خاوەنی مێژوویەکی پاک و پڕ لە سەروەرین، بەداخەوە بۆ ئەم کۆستەو لەدەستدانی ئەم ژنە تێکۆشەرە، پرسەو سەرەخۆشی و هاوخەمی خۆم ئاراستەی ئەندامانی خانەوادە تێکۆشەرەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووریتان بدات و کۆچکردوو جێگای بەهەشتی بەرین بێت.

‎- دەقی پرسەنامەی قوباد تاڵەبانی، سەرپەرشتیاری مەکتەبی سکرتارییەتی سەرۆک مام جەلال:

بەڕێز خاتوو نەرمین عوسمان

بەڕێزان خێزان و خانەوادەی کۆچکردوو خاتوو عائیشە

بەبیستنی ھەواڵی کۆچی دوایی خاتوو (عائیشە عەبدولواحید)، نیگەران و دڵگران بووم.

کۆچکردوو خاتوو (عائیشە عەبدولواحید) ژنێکی ماندونەناس و لەخانەوادەیەکی شۆڕشگێر و نیشتمانپەروەر و تێکۆشەری رێگای رزگاری کوردستان بوو، خوشکی شەھیدی سەرکردە جەعفەر عەبدولواحید و دایکی شەھید ئازاد و خاتوو نەرمین عوسمان ئەندامی پێشووی ئەنجومەنی سەرکردایەتی یەکێتی، کۆچکردنی جێگای داخە.

بۆ ئەم کۆستە بەئازارە، پرسە و سەرەخۆشیتان ئاڕاستە دەکەم، خوای گەورە لەکۆچکردوو خۆش بێت، سەبوری و دڵنەواییش بەھەموو لایەک ببەخشێت.

- دەقی پرسەنامەی مەکتەبی سیاسیی یەکێتیی نیشتمانیی کوردستان:
 
 خوشکی بەرێزمان خاتوو نەرمین عوسمان 

خانەوادەی کۆچکردوو عائشە عەبدولواحید

دڵگرانین بە کۆچیدوایی خاتوو عائیشە عەبدولواحید دایکی  بەرێزتان و دکتۆر نازەنین و شەھید ئازاد، خوشکی شەھیدی سەرکردە جەعفەر عەبدولواحید، نەنکی ھەڤاڵ ھاوڕێ دارۆ ئەندامی مەکتەبی  سیاسی یەکێتیی نیشتمانیی کوردستان.

بۆ ئەم خەمەتان پرسە و ماتەمی خۆمانتان پێرادەگەیەنین و لە یەزدانی مەزنی داواکارین  سەبوری  بە ھەموو لایەکتان ببەخشێت و کۆچکردوو بە بەھەشتی  بەرین  شاد  بکات .

- دەقی پرسەنامەی باڵیۆز د. محەمەد سابیر سەرۆکی دامەزراوەی سەرۆک جەلال تاڵەبانی:

پرسەنامەی دامەزراوەی سەرۆک جەلال تاڵەبانی بەبۆنەی کۆچی دوایی خاتوو (عائیشە عەبدولواحید) 
بەڕێز/ خاتوو نەرمین عوسمان
بەڕێز/ خاتوو نازەنین عوسمان
بەڕێزان/ خانەوادەی کۆچکردوو خاتوو (عائیشە عەبدولواحید)

بەداخ و پەژارە و دڵگرانییەکی زۆرەوە هەواڵی کۆچی دوایی خوالێخۆشبووی دایکتان خوشکی تێکۆشەری سەرکردە شەهید (جەعفەر عەبدولواحید)ــــمان پێگەیشت، هاوبەشی خەم و پەژارەتانین، تکایە پرسە و سەرەخۆشیمان بگەیەننە هەموو ئەندامانی بنەماڵە تێکۆشەرەکەتان، بە هیوای ئەوەین کە ئەمە دوایین ناخۆشیتان بێت و جێگەی کۆچکردووش بەهەشتی بەرین بێت، لە خوای گەورە داواکاریین سەبووری بە هەموو لایەکتان ببەخشێت.

- دەقی پرسەنامەی جەزای سەید مەجید:

خوشک و هەڤاڵی ئازیزمان خاتوو نەرمین عوسمان
هەڤاڵی خۆشەویست کاک هاوڕێی شێخ دارۆ ئەندامی مەکتەبی سیاسی

دڵگران و خەمبارم بەکۆچی دوایی  ژنە تێکۆشەری رۆژانی سەختی خەباتی شاخ و شار خاتوو عائیشە عبدالواحید، پرسەو سەرەخۆشی ئاراستەی ئێوە و تەواوی خانەوادە تێکۆشەرەکەتان دەکەم. لەخوای گەورە  داواکارم رۆحی پاکی خوالێخۆشبوو بەبەهەشتی بەرین شاد بکات و سەبوری و دڵنەوایی بۆ ئێوەو هەموو ئازیزانمان بنێرێت .

- دەقی پرسەنامەی رابیحە حەمەد، لێپرسراوی مەڵبەندی یەکێتیی نیشتمانیی کوردستان لە بەغدا:

زۆر بەداخەوە هەواڵی کۆچی دوایی  خاتوو عەیشێ عەبدولواحید دایکی خاتوو نەرمین عوسمان و دکتۆرە نازەنین و دکتۆر هاوتا مان پێگەیشت، خاتوو عەیشێ ژنێکی خوێندەوارو قسە خۆش و خاوەن ئەزموون بوو ، هەواڵی کۆچی دوایی نیگەرانی کردم... ڕۆحی پاکی شادو ئارام سەبرو ئارامی بۆ دڵی خانەوادە بەڕێزەکەیان، هیوادارین دوا ناخۆشییان بێت.

- دەقی پرسەنامەی بەدریە حاجی حسێن، ئەندامی ئەنجومەنی نوێنەرانی عیراق:

خوشکی گەورەمان خاتوو نەرمین
خوشکی ئازیزمان دکتۆرە نازەنین
برای بەڕێزمان دکتۆر هاوتا
خەمباربووین بەبیستنی هەواڵی کۆچی دوایی خانمە ژن یا(عەیشە )ی دایکتان، هاوبەشی خەمتانین، ياعەیشە ژنێک بوو لە ئازایەتی وەصف ناکرێت..  زۆر زەحمەتی و ئازاری بۆ کوردو یەکیتی کێشا هەر لەکاتی شەهید بونی  شەهیدی سەرکردە ( جەعفەر عەبدلواحید) ی برای  بەخۆراگری مایەوە، داوا لەخوای گەورە دەکەم خوا لێخۆشبوو لەبەهەشتی بەرین لەگەل هەدو رۆلەکانی شەهید ئازاد و  کەژاڵی جوانەمەرگ  بەیەک شادبکاتەوە و سەبرو ئارامی بەبنەماڵە تێکۆشەرەکەتان ببەخشێت.

- دەقی پرسەنامەی گەلاوێژ:

بۆ خۆشەویست و بەڕێز خاتوو نەرمین عوسمان..
لە دڵەوە نیگەران و غەمباربووم بۆ كۆچی دوایی دایكی ئازیزتان خاتوو "عائیشە عەبدولواحید" ژنە تێكۆشەر و نیشتمان پەروەرو خوشكی شەهیدی سەركردە جەعفەر عەبدولواحید و  دایكی شەهید ئازاد، خوالێخۆشبوو خاتوونێكی میهرەبان و دڵسۆزو خەمخۆر بوو، دووبارە هاوبەشی خەمتانم و لە خوای گەورە داواكارم سەبوریتان بدات و دوا ناخۆشی خانەوادە تێكۆشەرەكەتان بێت.

- دەقی پرسەنامەی جوان ئیحسان فەوزی، ئەندامی ئەنجومەنی نوێنەرانی عیراق:

بەڕێز خاتوو نەرمین عوسمان 
به‌ڕێز كاك هاوڕێ شێخ دارۆ 
بەداخێکی زۆرەوە هەواڵی کۆچی دوایی خاتوو (عائیشە عەبدولواحید ) دایکی بەڕێزتان و شەهید ئازاد و نەنکی هەڤاڵ هاوڕێ شێخ دارۆ ئەندامی مەکتەبی سیاسی - م پێگەیشت ، ئەم هەواڵە خەمبار و دڵتەنگی کردم.

لەم ماتەمەدا پرسە و هاوخەمیم ئاڕاستەى بەڕێزتان و کەسوکار و بنەماڵە تێکۆشەرەکەتان دەکەم لەیەزدانی مەزن داواکارم کۆچکردوو بە بەهەشتی بەرین شاد بکات و ئارامی و سەبوری بە هەموولایەکتان ببەخشێت.

نوێدەکرێتەوە...


س.ر