مه‌ودا میدیا - 

سه‌رچاوه‌كانی هه‌وأڵی پارێزگای دهۆك وێنه‌ی ئه‌و مێردمنداڵه‌یان بڵاوكرده‌وه‌، كه‌ ئه‌مڕۆ سێشه‌ممه‌ به‌ ده‌مانچه‌ یه‌كێك له‌ هاوڕێ نزیكه‌كانی خۆی كوشت. 

به‌گوێره‌ی راگه‌یه‌ندراوی پۆلیسی پارێزگای دهۆک، بەیانی ئەمڕۆ پۆلیسی سێمێل لە رووداوێکی کوشتن ئاگادار کراونەتەوە، دەرکەوت قوتابییەک بە ناوی (ع. ف. ع.) هاوڕێکەی به‌ناوی مسته‌فا فه‌هی بە دەمانچە کوشتووە. 

ئاماژه‌ی به‌وه‌شكرد، تاوانلێکراو و تاوانبار هەردووکیان لەدایکبووی 2007ـ و هاوڕێی یه‌ك و پۆلی 11ن و تۆمەتبار لەلایەن پۆلیسەوە دەستگیرکراوە و لێکۆڵینەوەی لەگەڵدا دەکرێت.