مەودا میدیا- سازگار ئەحمەد

نوێنەری گشتیی مامۆستایانی وانەبێژ لەبارەی دابەشکردن شایستە داراییەکانی مامۆستایانی وانەبێژ لە سلێمانی و هەڵەبجە و ئیدارەکانی گەرمیان و راپەڕین روونکردنەوە دەدات.

کارۆخ عەبدوڵڵا، نوێنەری گشتیی مامۆستایانی وانەبێژ بە مەودا میدیای راگەیاند "ئەم هەفتەیە لە سنووری پەروەردەکانی هەولێر و دهۆک دابەشکردنی شایستە داراییەکانی مامۆستایانی وانەبێژ بۆ مانگی ئەیلول کۆتایی پێدێت".

ئاماژەی بەوەشکرد "تائێستا شایستە داراییەکانی مامۆستایانی وانەبێژ لە سلێمانی و هەڵەبجە و ئیدارەکانی راپەڕین و گەرمیان دابەشنەکراون".

نوێنەری گشتیی مامۆستایانی وانەبێژ وتی "هەوڵێک هەیە کە دابەشکردنی مامۆستایانی وانەبێژ لەو پەروەردانە دوابخرێت بەهۆی بایکۆتەوە، بەڵام ئێمە لە هەوڵی بەردەوامین و هەوڵدەدەین تاوەکو کۆتایی هەفتەی داهاتوو شایستە داراییەکانی سەرجەم وانەبێژان دابەشبکرێت".

س.ر