مه‌ودا میدیا -

به‌گوێره‌ زانیارییه‌كانی به‌ڕێوه‌به‌رایه‌تیی پۆلیسی قه‌زای زاخۆ، كه‌سێكی ئاواره‌ی ئێزیدیی دانیشتووی کەمپی چەم مشکۆی سنووری زاخۆ به‌ گوله‌یه‌ك خۆی كوشتووه‌، هاوكات هه‌ندێك سه‌رچاوه‌ی میدیایی رایانگه‌یاند، كه‌ هێشتا هۆكاری كوژرانه‌كه‌ی نازانرێت. 

بەیانی ئەمڕۆ شەممە، بڵاوكرایه‌وه‌، شوکر خودێدا حەسەن، تەمەنی 54 ساڵە و باوکی 7منداڵ كوژراوه‌، كه‌ به‌گوێره‌ی راگه‌یه‌ندراوی به‌ڕێوه‌به‌رایه‌تی پۆلیسی زاخۆ، به‌ گوله‌یه‌ك گیانیله‌ده‌ستداوه‌. 

كه‌مپی چه‌م مشكۆ، یه‌كێكه‌ له‌ كۆی چوار كه‌مپی ئاواره‌كانی ئێزیدیی له‌ سنوری قه‌زای زاخۆ سه‌ر به‌ پارێزگای دهۆك.

هاوكات سەرکەوت ئەحمەد، وتەبێژی پۆلیسی سلێمانی راگەیاند، بەیانی ئەمڕۆ کرێکارێکی ته‌مه‌ن 26 ساڵ کە کاری تەختەبەستن دەکات، لەکاتی کارکردندا کارەبا گرتویەتی و گیانیلەدەستداوە و لێكۆڵینه‌وه‌ ده‌ستیپێكردووه‌.