مەودا میدیا-

بەڕێوەبەرایەتیی پاسپۆرتی کۆیە ئاگاداری هاوڵاتییان دەکاتەوە کە کارکردن لە بەڕێوەبەرایەتییەکەیان دەوەستێت بەهۆی گۆڕینی سیستمەکە بۆ ئەلیکترۆنی.

ئەمڕۆ شەممە 2ی کانونی یەکەمی 2023 بەڕێوەبەرایەتیی پاسپۆرتی كۆیە رایگەیاند "ئاگاداری دانیشتووانی سنوورەكە دەكاتەوە كە بە هۆی گۆڕینی سیستەمەكەیان بۆ ئەلیكترۆنی و بەردەوامیی كاركردن لەسەر سیستەمەكە و گۆڕینی دیزاینی بینای بەڕێوەبەرایەتییەكە، سێرڤەرەكان دەكوژێندرێنەوە و هیچ مامەڵەیەك رایی ناكرێت پێدانەوەی پاسپۆرتیش دەوەستێت".

داواش دەكرێت كە هیچ كەسێك سەردانی بەڕێوەبەرایەتییەكە نەكات تاوەكو ئاگاداردەكرێنەوە، ئاماژەش بە ئەوە دراوە كە تەواوی ئەو پاسپۆرتانەی كە پێشوو تەواوكراون لەگەڵ كارپێكردنی سێرڤەر پێدانەوەیان بەسەر خاوەنەكانیان دابەشدەكرێن.

س.ر