مه‌ودا میدیا - 

به‌گوێره‌ی سه‌رچاوه‌كانی هه‌واڵی عیراق و هاوكات له‌گه‌ڵ به‌رده‌وامیی بانگه‌شه‌ی هه‌ڵبژاردن له‌و پارێزگایه‌، دادگای فیدراڵیی عیراق له‌باره‌ی دواخستنی هەڵبژاردنی ئەنجوومەنی پارێزگای کەرکووک بڕیاریدا. 

روونكراوه‌ته‌وه‌ كه‌ دوانیوەڕۆی ئەمڕۆ یەکشەممە، 04-12-2023، دادگای باڵای فیدراڵیی عێراق له‌باره‌ی سکاڵایەک کە داوا ده‌كات وردبینی لە تۆماری دەنگدەرانی شاری کەرکوک بکرێت و هەڵبژاردنی ئەنجوومەنی پارێزگاکە دوابخرێت ، كۆبووه‌وه‌ و بریاریدا رۆژی پێنجشه‌ممه‌ی داهاتوو تاوتوێبكرێت. 

ئه‌وه‌ش له‌كاتێكدایه‌، بانگه‌شه‌ی هه‌ڵبژاردنی ئه‌نجومه‌نی پارێزگاكانی عیراق له‌ پارێزگای كه‌ركوك به‌رده‌وامیی هه‌یه‌ و هه‌ر پێكهاته‌یه‌ك له‌ هه‌وڵی به‌ده‌ستهێنانی كورسیی زیاتردایه‌.