مه‌ودا میدیا - 

تۆماركردنی ناوی فه‌رمانبه‌ران له‌ پرۆژه‌ی هه‌ژماری من به‌رده‌وامیی هه‌یه‌، كه‌ دەستپێشخەریی کابینەی نۆیەمی حکومەتی هەرێمی کوردستانە و ئامارێكی نوێ له‌و باره‌یه‌وه‌ بڵاوكرایه‌وه‌.

 به‌گوێره‌ی ئامارێك كه‌ فه‌رمانگه‌ی میدیا و زانیاریی سه‌ر به‌ حكومه‌تی هه‌رێمی كوردستان ئه‌مڕۆ سێشه‌ممه‌، له‌سه‌ر په‌یجی خۆی له‌ تۆری كۆمه‌ڵایه‌تیی فه‌یسبوك بڵاویكردووه‌ته‌وه‌، تا ئێستا نزیکەی 175 هەزار فەرمانبەری هه‌رێمی كوردستان لە پرۆژەی (هەژماری من) تۆمار کراون.

پرۆژه‌ی هه‌ژماری من پرۆژه‌ و دەستپێشخەریی کابینەی نۆیەمی حکومەتی هەرێمی کوردستانە بۆ بەرەوپێشبردنی کەرتی بانکی و بەدیجیتاڵکردنی پارەدان بۆ زیاتر لە یەک ملیۆن فه‌رمانبه‌ر، كه‌ كار ده‌كاته‌ سه‌ر كه‌مكردنه‌وه‌ی رۆتینات.