مه‌ودا میدیا -

هاوكات له‌گه‌ڵ به‌رده‌وامیی خۆپیشاندان و ناره‌زایی مامۆستایاندا، سه‌عدی ئه‌حمه‌د پیره‌، وتەبێژی یەکێتیی نیشتمانیی كوردستان رایگه‌یاند، ئه‌و خۆپیشاندان و مانگرتنه‌ كارێكی باش نییه‌. 

سه‌عدی ئه‌حمه‌د پیره‌، وتەبێژی یەکێتیی نیشتمانیی كوردستان له‌ لێدوانێكی رۆژنامه‌وانیدا رایگه‌یاند، بایکۆت و مانگرتنی مامۆستایان باشترین بژاردە نییە و سزادانی قوتابیانیش کارێکی هەڵەیە و لە سلێمانی و گەرمیان سوپایەک لە قوتابیان لە دەرەوەی قوتابخانەکانن.

سه‌عدی پیره‌ پێشتر رایگه‌یاند، مووچەی مامۆستایان و فه‌رمانبه‌ران دواش بکەوێت، هەر دەگات، بەڵام لەدەستچوونی ساڵێکی خوێندن بۆ قوتابی هەرگیز ناگەڕێتەوە.

ئه‌وه‌ش له‌كاتێكدایه‌ خۆپیشاندان و ناره‌زایه‌تی مامۆستایانی سنووری سلێمانی به‌رده‌وامیی هه‌یه‌ وبه‌گوێره‌ی زانیارییه‌كان به‌غدا داوای بینینی نوێنه‌ری مامۆستایانی كردووه‌.