مه‌ودا میدیا - 

به‌رێوه‌به‌رایه‌تیی نه‌وت و كانزاكانی سلێمانی له‌ راگه‌یه‌ندراوێكدا كه‌ كه‌مێك ئێستا له‌سه‌ر په‌یجی خۆی له‌ تۆری كۆمه‌ڵایه‌تیی فه‌یسبوك بڵاویكرده‌وه‌، ئه‌و شوێنانه‌ی ئاشكراكردووه‌ كه‌ سبه‌ینێ نه‌وتیان به‌سه‌ردا دابه‌شده‌كرێت.

له‌ راگه‌یه‌ندراوه‌كه‌ی به‌رێوه‌به‌رایه‌تیی نه‌وت و كانزاكانی سلێمانیدا روونیكراوه‌ته‌وه‌، كه‌ پرۆسەی دابەشکردنی نەوت بەردەوامە و ئه‌مڕۆ شەممە  9ی كانوونی یه‌كه‌می 2023  نەوت لەناوشاری سلێمانی لەسنوری مەڵبەندی سێ لە گەرەکەکانی سلێمانی تازە و مامۆستایان و شێخان دابەشدەکرێت.

پرۆسه‌ی دابه‌شكردنی نه‌وت به‌سه‌ر ناوه‌ندی شاری سلێمانی و یه‌كه‌ ئیدارییه‌كانی سه‌ر به‌ پارێزگاكه‌دا به‌رده‌وامه‌ و به‌شێكی به‌رچاوی شار و شارۆچكه‌كانی سنووره‌كه‌ نه‌وتیان وه‌رگرتووه‌.

هاوكات له‌گه‌ڵ دابه‌شكردنی نه‌وت و هاتنی وه‌رزی سه‌رما، شاره‌زایانی بواری كه‌شناسیی له‌ هه‌رێمی كوردستان پێشبینی ده‌كه‌ن كه‌ ئه‌مڕۆ شه‌ممه‌ 9ی كانوونی یه‌كه‌می 2023، باران ده‌ستپێده‌كات به‌ڵام به‌ رێژه‌یه‌كی كه‌م.