مه‌ودا میدیا - 

بافڵ جەلال تاڵەبانی، سەرۆکی یەکێتیی نیشتمانیی کوردستان روانگه‌ی حزبه‌كه‌ی له‌باره‌ی چاره‌سه‌ركردنی كێشه‌ سیاسیی و داراییه‌كانی نێوان هه‌رێم و به‌غدا خسته‌ڕوو. 

بافڵ تاڵه‌بانی، سه‌رۆكی یه‌كێتیی ئه‌مڕۆ یه‌كشه‌ممه‌ لە دەباشان پێشوازیی لە یان برێم، کونسوڵی نوێی فەڕەنسا لە هەرێمی کوردستان کرد و دۆخی ناوچه‌كه‌ و عیراق و گۆڕانكارییه‌كانیان تاوتوێكرد و تاڵه‌بانی هەڵوێستی حزبه‌كه‌ی لەبارەی رووداو و گۆڕانکارییەکان روونکردەوە.

سه‌رۆكی یه‌كێتیی نیشتمانیی كوردستان وتی" زاڵبوون بەسەر کێشەکان و کۆتاییهێنان بە ناکۆکییەکان بەتایبەت کێشەکانی نێوان هەولێر و بەغدا، پەیوەستە بە گفتوگۆ، لێکتێگەیشتن و پابەندبوون بە دەستوورەوە، ئەمەش رێگا دروستەکەیە و لەماوەی رابردوودا پەیڕەومان کردووە لەپێناو بەدەستهێنانی شایستە داراییەکانی هەرێم و دوورخستنەوەی ژیان و گوزەرانی خەڵک لە ململانێکانەوە".