مه‌ودا میدیا - 

لوقمان سلێمان، به‌رپرسی راگه‌یاندنی په‌رستگه‌ی لالش تایبه‌ت به‌ پێكهاته‌ی ئێزیدیه‌كان له‌ هه‌رێمی كوردستان رایگه‌یاند، ئه‌مڕۆ هه‌ینی رێوره‌سمی جه‌ژنی رۆژووی ئێزی تایبه‌ت به‌ ئێزیدیه‌كان به‌رێوه‌ده‌چێت.

لوقمان سلێمان، به‌رپرسی راگه‌یاندنی په‌رستگه‌ی لالش روونیكرده‌وه‌، ئه‌و جه‌ژنه‌ یه‌كێكه‌ له‌ كۆنترین جه‌ژنه‌كانی ئێزیدی و ده‌كه‌وێته‌ مانگی كانوونی یه‌كه‌مه‌وه‌ و سێ رۆژ به‌رۆژوو ده‌بن، سێشه‌ممه‌ و چوارشه‌ممه‌ و پێنجشه‌ممه‌ به‌رۆژوو ده‌بن و رۆژی چواره‌م ده‌بێته‌ جه‌ژن.

ئاماژه‌ی به‌وه‌شكردووه‌، كه‌ له‌ جه‌ژنی ئێزی دا هاوڵاتیانی ئێزیدی قوربانیی ده‌كه‌ن و رۆژووه‌كه‌یان بۆ خوایه‌ و ده‌بێـت و خێر و خێراتی زۆری تێدا بكرێت.