مه‌ودا میدیا - 

قوباد تاڵەبانی، سەرپەرشتیاری مەكتەبی سكرتارییەتی سەرۆك مام جەلال بەبۆنەی جەژنی رۆژووی ئێزی، كه‌  ئه‌مڕۆ رێوره‌سمه‌كه‌ی ده‌ستپێده‌كات، پەیامێكی پیرۆزبایی ئاڕاستەی ئێزدییەكانی كوردستان كرد.

قوباد تاڵه‌بانی كه‌ په‌یامه‌كه‌ی وه‌ك سەرپەرشتیاری مەكتەبی سكرتارییەتی سەرۆك مام جەلال ئاراسته‌ی ئێزیدیه‌كان كردووه‌، ده‌ڵێـت: رۆژی جەژنی رۆژووی ئێزدی بۆنەیەكە بۆ لێبوردەیی و گەردن ئازایی لەناو خوشك و برایانی ئێزدیی. 

سەرپەرشتیاری مەكتەبی سكرتارییەتی سەرۆك مام جەلال، به‌بۆنه‌ی رۆژووی ئێزی، جەختدەكاته‌وه‌ لەسەر چارەسەركردنی سەرجەم كێشەكانی ناوچەی شەنگال بە رێگای ئاشتییانە و هیوای خواستووه‌ كه‌ ئەو جەژنە ببێتە مایەی خێرو خۆشی بۆ ھەموو ئێزدییان و بە دووربن لە ھەموو ناخۆشییەك.