مه‌ودا میدیا - 

مەفرەزەكانی بنکەی پۆلیسی هەوارەبەرزەی سەر بە بەشی پۆلیسی دەربەندیخان دوو تۆمەتبارییان دەستگیرکرد کە ئاسن و کەلوپەلی ئۆتۆمبێلی بارهەڵگریان لێکردۆتەوەو دزیویانە.

به‌گوێره‌ی راگه‌یه‌ندراوی بەڕێوەبەرایەتیی پۆلیسی پارێزگای سلێمانی كه‌ له‌سه‌ر په‌یجی خۆی له‌ فه‌یسبوك بڵاویكردووه‌ته‌وه‌، ئه‌و دوو تۆمەتبارەی كه‌ ده‌ستگیركراون، هەستاون بە هەڵوەشاندنی کەلەی ئۆتۆمبێلی بارهەڵگر بەمەبەستی فرۆشتنەوەیان، پاش ده‌ستگیركردن، ده‌ستگیرا به‌سه‌ر ئه‌و كه‌ره‌ستانه‌دا كه‌ ده‌یانویست بیفرۆشن.

لەئێستادا تۆمەتباران (خ، ک، ر لەدایكبووی 1989 - ا، ا، د لەدایكبووی‌ 1991) بەبڕیاری دادوەر و بەپێی ماددەی 446 راگیراون‌ و لێكۆڵینەوەكان بەردەوامن.