مه‌ودا میدیا -

وه‌زاره‌تی خوێندنی باڵا و توێژینه‌وه‌ی زانستیی حكومه‌تی هه‌رێمی كوردستان به‌بۆنه‌ی هه‌ڵبژاردنی ئه‌نجومه‌نی پارێزگاكانی عیراقه‌وه‌ چه‌ند بڕیارێكی ده‌ركرد.
وه‌زاره‌تی خوێندنی باڵا له‌راگه‌یه‌ندراوێكدا له‌سه‌ر تۆری كۆمه‌ڵایه‌تی فه‌یسوك بڵاویكرده‌وه‌، لەسەر راسپاردەى د. ئارام محمد قادر، وەزیرى خوێندنى باڵا و توێژینەوەى زانستى و لە پێناو بەشدارى کردن لە هەڵبژاردنى ئەنجومەنى پارێزگاکان دراوه‌ به‌ دواخستنى هەر وانە یاخود تاقیکـردەوەیەک لە رۆژانى (١٧و١٨ /١٢/ ٢٠٢٣) و لە رۆژانى دواتر قەرەبوبکرێتەوە بۆ قوتابیان و خوێندکارانى دانیشتوى ناوچە کوردستانییەکانى دەرەوەى ئیدارەى هەرێم.

هاوكات بڕیاردراوه‌، لەو دوو رۆژەدا كه‌ ئاماژەىان پێکراوە، سەرجەم مامۆستاو فەرمانبەر و قوتابیان و خوێندکارانى کە دەنگیان دەکەوێتە ناوچە کوردستانییەکانى دەرەوەى ئیدارەى هەرێم بە نەهاتوو هەژمار ناکرێن.