مەودا میدیا-

بەڕێوەبەرایەتیی هاتوچۆی هەولێر ئاگاداری هاوڵاتییان دەکاتەوە لە رۆژی پێنجشەممەوە دەوامی فەرمی بەڕێوەبەرایەتییەکەیان رادەگیرێت و مامەڵەکان رایی ناکرێن.

لە راگەیەندراوێکدا بەڕێوەبەرایەتیی هاتوچۆی هەولێر رایگەیاند "سەرجەم هاوڵاتییان و شوفێران ئاگادارده‌كاته‌وه‌، بەهۆى كوتايیهاتنى ساڵى ژمێريارى، لە كاتژمێر 1:00ی دوانیوه‌ڕۆی رۆژی پێنجشەممە رێکەوتی 23/12/2023 رايیكردنى  مامەڵەی هاوڵاتییان لە بەڕێوەبەرایەتیی هاتوچۆی هەولێر بە گشت بەش و هۆبەکانیەوە رادەگیرێت تا 2/1/2023".

ئاماژە بەوەکراوە "داوا لە هاوڵاتییان دەکەین لەو ماوەیە سەردانمان نەکەن، هەر مامەڵەیەکیش لە ماوەی ئه‌م راگرتنە بەسەر بچێت، وەک (ساڵیانە و مۆڵەت و ماوەی تۆمارکردنى ئۆتۆمبێل) لە دوای دەستپێکردنەوەی دەوام، بۆیان قەرەبوو دەکرێتەوە و هیچ کەسێکیش بەهۆی دواکەوتن تووشی پێبژاردن نابێتەوە".

س.ر