مەودا میدیا-

سەرۆکی یەکێتیی نیشتمانیی کوردستان رایدەگەیەنێت ئەركی هەموولایەكمانە پێكەوە لەژێر سایەی ئاڵا پیرۆزەكەماندا بە رۆحێكی نیشتمانی و كوردانەوە كار بۆ بونیادنانی داهاتوویەكی گەشتر بکەین.

بافڵ جەلال تاڵەبانی، سەرۆکی یەکێتیی نیشتمانیی کوردستان لە رۆژی ئاڵادا پەیامێکی بڵاوکردەوە و رایگەیاند "دەست لەسەر دڵ بەرانبەر ئاڵای كوردستان دەوەستین و بە ئەوپەڕی وەفادارییەوە یادی هەموو ئەو شەهیدانە دەكەینەوە كە لەپێناو سەرفرازیی كورد و شەكانەوەی ئاڵاكەماندا گیانی خۆیان بەختکرد".

‏‎ئاماژەی بەوەشکرد "ئەركی هەموولایەكمانە پێكەوە لەژێر سایەی ئاڵا پیرۆزەكەماندا بە رۆحێكی نیشتمانی و كوردانەوە كار بۆ بونیادنانی داهاتوویەكی گەشتر، قووڵكردنەوەی گیانی تەبایی و پێكەوەژیان و بڵاوكردنەوەی پەیامی ئاشتی بكەین، بێگومان ئەمە تەنیا رێگەیە تاوەكو بتوانین رۆحی شەهیدانمان شاد بكەین و وەڵامی دڵسۆزی و خۆڕاگریی خەڵكە خۆشەویستەكەمان بدەینەوە".

س،ر