مه‌ودا میدیا - 

سه‌رچاوه‌كانی هه‌واڵی ناوخۆیی پارێزگای دهۆك بڵاویانكرده‌وه‌، كه‌ ئێواره‌ی ئه‌مڕۆ یه‌كشه‌ممه‌ هاوكات له‌گه‌ڵ به‌رزراگرتنی یادی ئاڵای كوردستان له‌ چوار پارچه‌ی كوردستان، سنووری دهۆك بۆردوومان كرا.

به‌گوێره‌ی زانیارییه‌كان، فڕۆكه‌ جه‌نگییه‌كانی توركیا ئێواره‌ی ئه‌مڕۆ یه‌كشه‌ممه‌ ناوچه‌كانی هنداڤی و بلاڤه‌ی له‌ سنووری پارێزگای دهۆك بۆردوومانكردووه‌، له‌كاتێكدا عیراق به‌گشتیی سه‌رقاڵی هه‌ڵبژاردنه‌ و هه‌رێمی كوردستانیش رۆژی ئاڵا به‌رزراده‌گرێت.

تا ئێستا ئاماژه‌ به‌هیچ زیانێكی گیانیی نه‌كراوه‌ به‌هۆی بۆردوومانی فڕۆكه‌ جه‌نگییه‌كانی توركیا ئێواره‌ی ئه‌مرۆ یه‌كشه‌ممه‌ له‌ سنووری پارێزگای دهۆك.