مه‌ودا میدیا - 

ئه‌مڕۆ یه‌كشه‌ممه‌ فه‌رمانگه‌ی میدیا و زانیاریی سه‌ر به‌ حكومه‌تی هه‌رێمی كوردستان گرته‌ ڤیدیۆییه‌كی بڵاوكرده‌وه‌ و تیایدا پیشانیدا كه‌ به‌شێك له‌ هێزه‌كانی پێشمه‌رگه‌ مووچه‌ی مانگی ئه‌یلولیان لە رێگەی "هه‌ژماری من"ه‌وه‌ وەرگرت.

پرۆژه‌ی هه‌ژماری من ، پرۆژه‌یه‌كی خزمه‌تگوزاریی داراییه‌، دەستپێشخەرییەکی کابینەی نۆیەمی حکومەتی هەرێمی کوردستانە بۆ بەرەوپێشبردنی کەرتی بانکی و بەدیجیتاڵکردنی پارەدان بۆ زیاتر لە یەک ملیۆن فەرمانبەر. 

به‌گوێره‌ی ئه‌و گرته‌ ڤیدیۆییه‌ی كه‌ فه‌رمانگه‌ی میدیا و زانیاریی حكومه‌تی هه‌رێمی كوردستان بڵاویكردووه‌ته‌وه‌، ئه‌و پێشمه‌رگانه‌ی مووچه‌یان له‌رێگه‌ی هه‌ژماری منه‌وه‌ وه‌رگرتووه‌، به‌ئه‌رێنیی وه‌سفی پرۆسه‌كه‌ ده‌كه‌ن و به‌ هه‌نگاوێكی سه‌ركه‌وتووی باس ده‌كه‌ن. 

به‌گوێره‌ی وه‌زاره‌تی دارایی و ئابووری حكومه‌تی هه‌رێمی كوردستان،  به‌ تەواوبوونی پرۆژەی هه‌ژماری من، کەرتی بانکی لە هەرێمی کوردستان گۆڕانکاری و پێشکەوتنی گەورە بەخۆیەوە دەبینێت.