مەودا میدیا-

به‌یانیی ئه‌مڕۆ سێشەممە 19ی کانونی یەکەمی 2023 له‌ پرۆژیه‌كی به‌خێوكردنی مریشك له‌ گوندی (باخورنیفێ)ی سنووری پارێزگای دهۆك زیاتر لە هەشت هەزار مریشک لەناوچوون.

هۆکاری لەناوچوونی ئەو مریشکانە بەپێی زانیارییەکان، كاتێك كاره‌بای نیشتمانی بڕاوه‌، كرێكاره‌كانی پرۆژه‌كه‌ بیریان چووه‌ كاره‌بای پرۆژه‌كه‌ بكه‌نه‌وه‌، به‌هۆی سه‌رماوه‌ ئه‌و ژماره‌ زۆره‌ی مریشك لەناوچوون.

خاوەنەکەی ئاماژەی بەوەشکرد، مه‌ترسی لەسەر مریشكه‌كانی دیکەش هەیە کە لەناوبچن، چونکە بەشێکی زۆری مریشکەکان زیانیان پێگەیشتووە.

س.ر