مه‌ودا میدیا - 

سامان به‌رزنجی، وه‌زیری ته‌ندرووستی هه‌رێمی كوردستان ئەمڕۆ شەممە، 23-12-2023، له‌ کۆنگرەیەکی زانستی لەبارەی نەخۆشی قەڵەوی لە هەرێمی کوردستان و عێراق، هۆکار و چارەسەرییەکانی لە هەولێر بەڕێوەچوو، له‌باره‌ی ده‌رمانی دژه‌ قه‌ڵه‌ویی زانیاریی خسته‌ڕوو.

سامان بەرزنجی، وەزیری تەندروستیی حکومەتی هەرێمی کوردستان داوای له‌ رای گشتیی هه‌رێمی كوردستان كرد، متمانه‌ به‌و ده‌رمانانه‌ نه‌كه‌ن كه‌ له‌ تۆڕە کۆمەڵایەتییەکاندا پروپاگه‌نده‌یان بۆ ده‌كرێت.

وتیشی" ئەو ده‌رمانانەی رێکلام بۆ هەندێک گژو گیا و دەرمانانە دەکەن، گوایە کێش دادەبەزێنن؛ هیچیان زانستی نین و لایەنی تەندروستییان نییە، بەڵکوو خراپیشن".

هه‌ر ئه‌مڕۆ له‌شاری هه‌ولێر چالاكییه‌ك دژی قه‌ڵه‌ویی به‌رێوه‌چوو، تیایدا قه‌ڵه‌ویی وه‌ك نه‌خۆشییه‌ك ناسێنرا كه‌ چه‌ندین توێژینه‌وه‌ی زانستیی له‌باره‌وه‌ كراوه‌.