مه‌ودا میدیا  - 

بەڕێوەبەرایەتیی کارەبای سلێمانی هاوكات له‌گه‌ڵ وه‌رزی سه‌رما و به‌رزبوونه‌وه‌ی خواست له‌سه‌ر كاره‌با، رایگه‌یاند، لەئێستادا بەڕێوەبەرایەتیی کارەبای سلێمانی دەتوانێت تەنها 7 بۆ 8کاتژمێر کارەبا بداتە هاوڵاتیان.  

سیروان محەمەد، وتەبێژی  بەڕێوەبەرایەتیی کارەبای سلێمانی بۆ مه‌ودا میدیای روونكرده‌وه‌، بەپێی بەرنامەیه‌ك كه‌ کاری لەسەر دەکەن، ئه‌و بڕه‌ كاره‌بایه‌ به‌ هاوڵاتیان ده‌ده‌ن.

وتیشی"ئەوە خواستی ئێمە نییە، ئه‌گینا حەز دەکەین 24 کاتژمێر هاوڵاتیان کارەبایان پێبدرێت و ئەوە لە دەسەڵاتی وەزارەتی کارەبادایە زیادی بکات نەک ئێمە". 

لەگەڵ ئەوەی لەوەرزی زستاندا خواستێکی زۆر لەسەر بەکارهێنانی کارەبا هەیە، بەڵام بڕی پێدانی كاره‌با له‌ ئێستادا له‌گه‌ڵ ئاستی داواكاریی هاوڵاتیاندا نیه‌.