مه‌ودا میدیا - 

هاوكات له‌گه‌ڵ چاوه‌ڕوانییه‌كانی خوێندكارانی زانكۆ سه‌باره‌ت به‌ ده‌رماڵه‌كانیان، وه‌زاره‌تی خوێندنی باڵا و توێژینه‌وه‌ی زانستیی هه‌رێمی كوردستان لێدوانیدا.

د. ئارام محه‌مه‌د قادر، وه‌زیری خوێندنی باڵا و توێژینه‌وه‌ی زانستیی هه‌رێمی كوردستان رایگه‌یاند، ئه‌وه‌ی په‌یوه‌ندی به‌ وه‌زاره‌تی خوێندنی باڵاوه‌ هه‌بێت، ته‌واوكراوه‌ و هیچ كێشه‌یه‌كی تێدا نه‌ماوه‌ و سێ مانگ پێش ده‌ستپێكردنی خوێندن، رێكاره‌كان ته‌واوكراون.

وه‌زیری خوێندنی باڵا و توێژینه‌وه‌ی زانستیی هه‌رێمی كوردستان به‌ رۆژنامه‌نووسانی وت " باشتره‌ بۆ بابه‌تی ده‌رماڵه‌ په‌یوه‌ندی به‌ وه‌زاره‌تی دارایی هه‌رێمی كوردستانه‌وه‌ بكه‌ن، ئه‌وه‌ په‌یوه‌ندی به‌ سیاسه‌تی دارایی وه‌زاره‌تی داراییه‌وه‌ هه‌یه‌".