مه‌ودا میدیا - 

هاوكات له‌گه‌ڵ به‌رده‌وامیی ناڕه‌زایه‌تییه‌كانی به‌شێك له‌ مامۆستایان و په‌نابردنیان بۆ به‌غدا، داوا له‌ حكومه‌تی هه‌رێمی كوردستان ده‌كرێت ده‌شتپێشخه‌ریی كۆبوونه‌وه‌یه‌ك له‌گه‌ڵ نوێنه‌ری مامۆستایان ده‌كات.

هه‌ڤاڵ ئه‌بوبه‌كر، پارێزگاری سلێمانی، ئه‌مڕۆ یه‌كشه‌ممه‌ له‌ لێدوانێكی رۆژنامه‌وانییدا رایگه‌یاند، نوێنه‌ری مامۆستایان ئاماده‌ی كۆبوونه‌وه‌ن له‌گه‌ڵ حكومه‌تدا و هیوای خواست حكومه‌تیش ده‌ستپێشخه‌ریی بكات و له‌گه‌ڵ مامۆستایان كۆببێته‌وه‌. 

پارێزگاری سلێمانی به‌پێویستی زانی په‌له‌ بكرێت له‌ دۆزینه‌وه‌ی چاره‌سه‌رێك بۆ كێشه‌ی مامۆستایان، به‌تایبه‌ت دوای پشووی سه‌ری ساڵ، بۆ ئه‌وه‌ی خوێندنی ئه‌مساڵ نه‌فه‌وتێت.