مه‌ودا میدیا -

به‌گوێره‌ی لێدوانی سه‌رچاوه‌ ئه‌منییه‌كان، ئه‌مڕۆ یه‌كشه‌ممه‌، هێزەکانی بەرێوەبەرایەتیی نەهێشتنی ماددەی هۆشبەر لە  پارێزگای دهۆک،  تۆڕێکی بازرگانی ماددەی هۆشبەریان ده‌ستگیركردووه‌. 

روونكراوه‌ته‌وه‌ كه‌ هێزەکانی بەرێوەبەرایەتیی نەهێشتنی ماددەی هۆشبەر لە دهۆک بە هه‌ماهەنگی لەگەڵ  ئاسایشی قەزای سێمێل، توانیان لە ناو تونێلی زاخۆ چوار بازرگانی ماددەی هۆشبەر دەستگیر بکەن، كه‌ چەکداربوونە.

ئاماژه‌ به‌وه‌شكراوه‌ كه‌ لەکاتی هەوڵدان بۆ دەستگیرکردنیان، رووبەڕووی هێزە ئەمنیەکان بونەتەوە، بەڵام هێزەکانیان ئه‌منییه‌كان توانیویانه‌ ئه‌ندامانی بانده‌كه‌ ده‌ستگیربكه‌ن.