مه‌ودا میدیا - 

پێشبینیی ده‌كرێـت سبه‌ینێ یان دوو سبه‌ی شه‌پۆلێك بارانبارین ناوچه‌كانی عیراق بگرێته‌وه‌ به‌ڵام هه‌رێمی كوردستان ناگرێـته‌وه‌ و له‌ هه‌ندێك ناوچه‌ی گه‌رمیان به‌شێوه‌ی دڵۆپه‌ی ده‌بارێت.

سیروان ساڵح عه‌لی، شاره‌زای كه‌شناسیی له‌ لاپه‌ڕه‌ی خۆی له‌ تۆری كۆمه‌ڵایه‌تیی فه‌یسبوك بڵاویكرده‌وه‌، بەپێی نوێترین زانیاریی، لە سبەینێ و دووسبەی شەپۆلێکی بارانبارینی دەریای سوور سعودیە و ناوەڕاست و باشووری عیرااق دەگرێتەوە، بەشێکی زۆر کەمی بەشێوەی دڵۆپەباران سبەی شەو ناوچەکانی باشووری گەرمیان دەگرێتەوە کە بڕەکەی تا ئێستا ناگاتە 1 ملم.

روونیكردووه‌ته‌وه‌، تا ئەم کاتە ئەو شەپۆلە هیچ ناوچەیەکی تر لە گەرمیان و هەرێمی کوردستان ناگرێتەوە و سەبارەت بە هەفتەی یەکەمی مانگی كانوونی دووه‌می 2024 شەپۆلێکی بارانبارین دەرکەوتووە لەنێوان ( 4 ی 1 تاوەکو 8 ی 1 ) به‌ڵام هێشتا بڕی باران و کاریگەریی ئەو شەپۆلە روون و جێگیر نییه‌، هەروەها تاوەکو ئەم کاتە هیچ شەپۆلێکی بەفربارین و سەرما بۆ سەنتەری شارە گەورەکان دەرنەکەوتووە.